Hallingdal Småmat

/

Tradisjonskost og catering i Hallingdal

Hjem

VELKOMMEN 

Vi har levert Småmat og catering til butikker, hytter, bedrifter og fastboende i over 25år.  

På siden er eksempel på noe av det vi leverer. Vi selger også Småmat i utvalgte butikker i Hallingdal.

Kontakt oss på 90937350 eller otto@hallingmat.no



 



 




Småmat:

Småmat var og er festmat i Hallingdal. Eldre som vi har brukt som kjelde, meiner at småmaten fyrst kom hit etter at Øvre Hallingdal hadde teke retten i bruk.

I Hol vart den frå rettig gamalt av brukt som rettig mat (hovudrett) fyrste gjestebodsdagen. Etter kvart er småmaten blitt nytta i større grad andre stader i dalen også.

For at småmaten kan reknast som fin, må alt vere skore i små betar som passar til ertene. Dessutan må krafta vere klar. Ein må passe på å ikkje bruke poteter som er mjølne.

Ein må ikkje forveksle småmaten med suppe som forrett, - han har alltid blitt brukt som hovudrett.

Til småmaten var det vanleg å servere lefsekling. Etter at vedomnen blei teke i bruk i Hallingdal, blei det også populært å ha skiver av finbrød ved sida. Øl blei brukt som drikke. Som dessert var det frå gamalt av dylle. I seinare tid er det riskrem med raud saus som ofte har vore ettermat. Under krigen brukte dei byggkrem.

Kjelde: Ål Bondekvinnelag 1989

 

 


 

Måltider i gamle dagar:

Biskeøykt

:

Arbeidsdagen     på ein gard tok til tidleg, særlig sumarstida. Klokka halv fem om morgonen,     før dei skulle ut og slå, fekk slåttekarane kaffi og "eplekaku"     (potetkaker) med smør og ost. Det var viktig å vera tidleg ute, medan det     enno var dogg i graset. Ljåen beit best då. Etter at slåmaskina kom og dei     ikkje var så avhengige av dogga, vart det vanleg med berre eitt måltid om     morgonen.

    

Biskemat:

Klokka     sju var dei inn at og "eta te bisk". Då var det primmat med øl     til eller "eplekaku". Seinare kom brødmat i bruk.

    

Dugurdsmat:

Klokka     10 var det dugurd. (ein halv time seinare om veten). Til dugurds skulle det     vera vassgraut, kokt på heimemjøl, med grautemjølk og søteprim til.     Søteprimet var magert, turt, hardt og vart skava upp. Karane kvilte seg     medan onnejenta vaska upp og laga til kaffi. Klokka kvart på tolv var     kaffien ferdig. Klokka tolv var alle ute att.

    

Nonsmat:

Tre     timar seinare, klokka tre, var det non. Sumarstid var det helst spekekjøt,     flatbrød og kokte "eplu". Til ettermat var det flatbrødsoll.     Kaffe var det og etter nonskvilen, og kaffimat var ofte mjølkeprim og/eller     kaffibrød. Om sumaren var det ikkje kyr heime, og dei måtte drikke svart     kaffi.

    

Kveldsmat:

Klokka halv ni "tok dei     kveld" og gjekk inn at til graut, surmjølk og prim. Seinare vart det     vanleg å slutte arbeidet ute klokka åtte om kvelden.

     




Kontakt oss

Klikk her for å gå til kontaktskjemaet